“Yangi nihollar” viloyat koʻrik-tanlovi o‘tkazildi.

Hududimizda yosh iste’dodlarni kashf etish, ularning ijodiy salohiyatini rivojlantirish hamda qo‘llab-quvvatlash maqsadida bolalar musiqa va san’at maktablarida tahsil olayotgan kichik sinf oʻquvchilari oʻrtasida “Yangi nihollar” viloyat koʻrik-tanlovi yuqori saviyada tashkil etildi.
Mazkur tanlovda turli yo‘nalishlarda ijod qilayotgan iqtidorli o‘quvchilar ishtirok etib, o‘z mahorat va qobiliyatlarini namoyon etdilar. Ishtirokchilar tomonidan taqdim etilgan chiqishlar hakamlar hay’ati tomonidan baholanib, eng munosiblari saralab olindi.
Tanlov davomida yoshlar o‘zlarining musiqa, tasviriy san’at, ijrochilik va boshqa yo‘nalishlardagi iste’dodlarini namoyish etish bilan birga, o‘zaro tajriba almashish imkoniyatiga ham ega bo‘ldilar. Bu esa ularning kelgusidagi ijodiy faoliyatiga ijobiy ta’sir ko‘rsatishi ta’kidlandi.