17-son BMSM

15-aprel — Madaniyat va san'at xodimlari kuni Hurmatli ijodkorlar, ustozlar va san'at fidoyilari! Sizlarni ushbu qutlug' kun bilan chin yurakdan tabriklaymiz. Sizning mehnatingiz millat ma'naviyatining yuksalishiga xizmat qiladi. Ijodingiz qalblarga nur, ruhlarga ilhom bag'ishlaydi. Bayramingiz muborak bo'lsin!

“Metodik va ilmiy jihatdan yordam ko‘rsatish chora-tadbirlar” hamda "Mahorat dars" bo'lib o'tdi.

O‘zbekiston Respublikasi Madaniyat vazirligining 2025-yil 30-maydagi “Ijodkor yoshlarni qo‘llab-quvvatlash va rag‘batlantirishning qo‘shimcha chora-tadbirlari to‘g‘risida”gi 266-son buyrug‘i ijrosini ta’minlash yuzasidan Bandixon tumani 17-son bolalar musiqa va san’at maktabi tomonidan 2026-yil 21-aprel kuni maktabining tasviriy va amaliy san'at bo‘linmasi o‘qituvchilari tuman maktabgacha va maktab ta’limi bo‘limiga qarashli 12-son maktabgacha ta’lim muassasida targ‘ibot tadbiri o‘tkazishdi. Targ‘ibot tadbiri doirasida iqtidorli o‘quvchilarni musiqa va san’at maktabiga jalb etish, ularning bo‘sh vaqtlarini mazmunli tashkil etish, ijodiy qobiliyatlarini rivojlantirish bo‘yicha tavsiyalar berildi.

2026-yil 14-aprel kuni Bandixon tumanidagi 17-son bolalar musiqa va san’at maktabining tasviriy va amaliy san’at bo‘linmasi jamoasi tumandagi 3-son umumta’lim maktabiga tashrif buyurishdi. Tashrif davomida o‘quvchilarning ijodiy ishlari jamlangan ko‘rgazma tashkil etilib, unda rang-barang tasviriy va amaliy san’at namunalari namoyish qilindi. Ushbu tadbirdan ko‘zlangan maqsad — ijodkor yoshlarni qo‘llab-quvvatlash va rag‘batlantirish, ularning iste’dodini yuzaga chiqarish hamda san’atga bo‘lgan qiziqishini yanada oshirish va iqtidorli o‘quvchilarni jalb etishdir.

Joriy yilning 1-7-may kunlari o‘tadigan festivalda 40 dan ortiq davlatdan 100 dan ziyod folklor jamoalari ishtirok etishi kutilmoqda. Aytish kerak, bu yilga folklor festivali mazmun jihatdan avvalgilaridan yanada boyitilgan. Surxondaryoliklar kreativ yondashib, festivalga o‘zgacha yangiliklar, kutilmagan sovg‘alar tayyorlashgan. Festivalda har bir hududga oid qo‘rg‘onlar tashkil etiladi. Unda hududning o‘ziga xosligi, boy tarixi, taomlari, hunarmandchilik namunalari va an’analari namoyish etiladi.